www.hannemann.ch
Medical Slim-Tea
Te chines original da Hannemann per satelladad e dischintoxicaziun
Cura ch'jeu hai absolviu igl onn 1978 miu studi ella medischina tradiziunala chinesa tier prof. dr. med. Man Man Wong a Hongkong, ha el schanghegiau a mi ina receptura da iarvas ch'el numnava te da satelladad. El ha detg a mi che quei te hagi in effect tonisont sil metabolissem e ch'il grass danvonz vegni baghegiaus giu en consequenza da quei. Cunquei ch'ei dat adina dapli malsognas da metabolissem ellas tiaras zivilisadas ha el detg a mi, ch'jeu hagi retschiert dad el cun quella receptura ina "clav dad aur", perquei che quella mischeida da te sappi vegnir duvrada encunter bia malsognas numnadas ozildi sindrom metabolic.
Dapi miu retuorn dalla China avon 29 onns dun jeu giu cun success quella mischeida da te en mia pratica homeopatica, denter auter era tier problems dil magun e dalla beglia sco gastritis, obstipaziun, mals dil dir, dil fèl e surpeisa.
A caschun da mia liunga experientscha haiel saviu observar ch'il metabolissem vegn animaus considerablamein da beiber duront in pli liung temps 1 entochen 2 scadiolas te mintga di, cun in augment dalla secreziun da luadiras ella beglia ed el tessiu da grass , quei che meina gia en cuort temps tier ina marcanta reducziun da peisa.
Cunquei ch'il tgierp drova temps per baghegiar giu il grass, caschunaus dil baghegiar si e giu cellas ("Anabolismus" e "Katabolismus"), ei da quintar cun ina reducziun dalla peisa suenter 3 meins. Gia avon che quei temps ei vargaus vegnis vus a constatar che vossa digestiun ei vegnida bia megliera e che la peisa dil tgierp sereducescha jamna per jamna. Quella fasa numnan ins ella medischina "Katabolismus" (cuntrari digl "Anabolismus" che baghegia si). Il te chines da satelladad e dischintoxicaziun fa ch'il grass dil tgierp mida naven digl "Anabolismus" sil "Katabolismus", quei vul dir che vus perdis peisa.
La fasa da baghegiar giu, il "Katabolismus", duess buca succeder memia spert. Cunquei che las cellas da grass dil metabolissem dil tgierp vegnan eluvradas el dir eis ei necessari da mirar ch'il metabolissem dil dir vegni buca surcargaus. Quella grevezia vegn dacheudenvi, che las biaras cellas da grass cuntegnan toxins (substanzas da tissi). Pia: Vegn la peisa reducida memia spert, vegn il dir engreviaus fetg. Quei stueis vus evitar! Pia fa ei per exempel senn da dar al tgierp in miez onn temps, sche vus vuleis prender giu 10 kg. Vuleis vus denton prender giu mo 2 entochen 5 kg sche muossa l'experientscha, che quei ei bein cumportabel biologicamein en 3 meins. Beincapiu: Ina sperta reducziun da peisa ei phisiologicamein buca responsabla!
Mirei cun beiber 2 scadiolas te per di (ina avonmiezdi ed ina suentermiezdi ni ina suentermiezdi ed ina la sera), da beiber duront il di entochen 2 liters aua pura.
Il beiber mintga di 2 liters aua aulza il metabolissem per biabein 30% ed ei impurtont per che las luadiras dil metabolissem e dalla beglia vegnan eliminadas. Quei vul dir ch'il passar dil tgierp vegn augmentaus. Ella emprema fasa sa ei esser, sto aber buca, ch'ins survegn la diarrea. Ei quei il cass, lu spitgei aunc 3 ulteriurs dis. Ei il passar dil tgierp buca aunc dirs en quei temps, duessas vus beiber mo pli ina scadiola te da satelladad e dischintoxicaziun.
Haveis vus in termin da fatschenta, vuleis vus far ina viseta el teater eav., lu eis ei buca recumandabel da beiber avon quellas activitats il te.
Cun beiber il te duront in pli liung temps saveis vus constatar, suenter che fasa 1 dalla dischintoxicaziun dalla beglia ha giu liug, che vus haveis in passar dil tgierp normal entochen 3 gadas per di. La fasa 2 va vi en ina reducziun dil grass dil tgierp.
Tier malsognas dil magun eis ei secumprovau zun fetg da beiber il te avonmiezdi e suentermiezdi mintgamai in'ura avon la tschavera.
En mintga cass duess la dosa vegnir risguardada minuziusamein: metter in tschadun pign emplenius cun te da satelladad e dischintoxicaziun da Hannemann en in culem da te e cuvrir cun 4 dl aua caulda. Il te ei da schar trer mo 3 minutas. Sche vus haveis denton buglientau el memia fetg ni schau trer el memia ditg sa quei dar gronds disturbis peristaltics da la musculatura dalla beglia. Sut circumstanzas sa ei dar convulsiuns dalla beglia, che vargan denton puspei suenter ina mes'ura. Prendai pia risguard silla preparaziun dil te e rumpi buca giu la cura da minimal 3 meins sche pusseivel. Era sche vus viagieis saveis vus empustar en mintga hotel sco era en mintga ustria in glas aua caulda.
Susteni vossa cura da satelladad mentalmein tenor miu motto: Mintga entschatta metta finamiras, denton mo la persistenza meina tier la finamira. Mo surmagliar fa vegnir nus gross! Magliar sapientivamein vul dir consumar hidrats carbonics (Kohlenhydrate) cun ina pintga valur glicamica (glykämischer Wert). Fagei aschi bien e risguardai mia broschura sur digl index glicamic che vus survegnis en mia pratica homeopatica. Nus cussegliein bugen vus!
Stan dil matg 2007
>> order >>